Një film i ri me fokus pandeminë e koronavirusit pritet të realizohet këto muaj nga bota e madhe kinematografike e Hollywood.
Filmi në fjalë do të quhet “Lockdown” (në shqip Izolim) dhe në rol kryesor do të jetë aktorja e njohur Anne Hathaway.
Sipas Harper’s Bazaar, bëhet fjalë për kombinimin e një komedie romantike dhe drame, me regji të Doug Liman, autor i filmave, si “Mr. & Mrs. Smith” e “The Bourne Identity”.
Bëhet me dije se xhirimet e filmit do të nisin në fund të muajit shtator në kryeqytetin e Anglisë, në Londër. Në njërin prej roleve pritet të luajë edhe ylli i serialit “Peaky Blinders”, Cillian Murphy.
