Zëvendës ministri i Brendshëm, Sandër Lleshaj ka mbërritur pasditen e sotme në Shkodër. Ky është qyteti i parë që Lleshaj ka përzgjedhur për të zhvilluar një takim.
Zëvendës ministri, i cili pret të dekretohet nga Meta si ministër, është takuar me drejtuesit më të lartë të policisë vendore në Shkodër.
Sipas burimeve të BalkanWeb, disa prej çështjeve që po diskutohen është goditja e kriminalitetit, zbardhja e disa ngjarjeve të bujshme si dhe shtimi i kontrolleve kudo në qytet për elementet e mundshëm kriminal.
Po ashtu pjesë e diskutimeve janë edhe punimet e reja qe po behën për ndërtimin e komisariatit të ri të Shkodrës.
