Kryetari i grupit parlamentar të Partisë Socialiste, Taulant Balla, në një prononcim për mediat iu është përgjigjur akuzave të opozitës, në lidhje me hapjen e listave 100%. Balla tha se PS është e palëkundur nga drafti i dorëzuar të premten në Këshillin Politik.
Ai u shpreh pas mbledhjes së grupit të PS, se listat e hapura 100% janë një fakt i pakthyeshëm dhe kjo është shkruar edhe në draftin e propozuar nga mazhoranca. Balla shtoi se në zgjedhjet e 25 prillit, do të votohet partia dhe kandidati.
“Sepse edhe ligjvënësit e Austrisë, Çekisë, etj, kanë analizuar me shumë vite dhe kanë konkluduar në një formë të tillë. Jo, një kandidat s’duhet të marrë më shumë vota se partia.
Ju ftoj që të mbani edhe ju një konferencë për mediat në emër të PD, (replikon me gazetaren). Ky është një diskutim që ndodh sa herë që jam para jush, por unë dua t’ju them që këtë formulë se kemi shpikur ne, por e ka pjesa më e madhe e vendeve.
Unë e kam shumë përzemër Kosovën, por kemi menduar që Shqipëria duhet të zgjedhë si vendet më lart, Kroacia, Danimarka, Belgjika, Republika Ceke, se janë modele më të mira.
Ka këndvështrime që mund të zgjidhet modeli i Kosovës siç thatë ju, por që një kandidat të zgjidhet deputet duhet të përmbushë legjitimitetin për të marrë votat.
S’mund të mblidhen 36 vetë në Tiranë, duhet të marrin secili nga 30 vota dhe më pas të dalin deputet. Ky nuk është legjitimitet. Renditja e partisë, numri i votave për çdo kandidat rimodelon listën. Variabli është nga 9 mijë në qarqet më të vogla në 12 mijë në Tiranë”, tha Balla.
