Kreu i Partisë Demokratike, Lulzim Basha gjatë fjalimit të mbajtur para qytetarëve të Durrësit ditën e sotme, i është kundërpërgjigjur kryeministrit Rama, pasi ky i fundit e ka cilësuar si “lider pa hallate”.
Basha është shprehur se Rama merret me pjesët e trupit të tij sepse, sipas Bashës ai dëshiron të fshehë atë që nuk fshihet se “bota e tregon me gisht si kryehajdutin e Ballkanit”.
“Sa herë del para jush dhe ngërdheshet si majmun, sa herë që del para jush e shanë opozitën apo merret me pjesët e mia të trupit, e bën sepse ka një hall, të fshehë atë që nuk e fsheh dot më kurrë që, bota e tregon me gisht si kryehajdutin e Ballkanit, si Maduron e Ballkanit që shqiptarët do ta shporrin”, u shpreh Basha.
