Libri “Shumë dhe asnjëherë mjaftueshëm. Si familja ime krijoi njeriun më të rrezikshëm në botë”, i cili flet për presidentin amerikan, Donald Trump, po thyen rekorde në shitje.
Autorja e këtij libri është mbesa e presidentit të SHBA-ve, Mary Trump dhe sipas “The Guardian”, ai po shet rreth 1 milionë kopje në ditë.
Libri i botuar nga Shtëpia botuese ‘Simon & Schuster’ tregon historinë e familjes së presidentit amerikan. Edhe pse familjarët e autorit u përpoqën ta bllokonin botimin, libri sërish u hodh në treg.
Në libër, Mary Trump rrëfen jetën e familjes së saj dhe efektet mbi parimet dhe ngjarjet që kanë pasur në psikikën e presidentit Trump. Fillon nga figura e Fred Trump, babai i Donald dhe vëllait të tij Fred jr (babai i Marisë). Autorja e përcakton gjyshin si një “sociopat” me empati dhe mirësi nga të gjithë ata që e kanë njohur, përfshirë edhe presidentin.
Robert Trump, vëllai më i vogël i presidentit amerikan, u përpoq të bllokojë publikimin e librit, përmes një vendimi gjykate. Sipas avokatit, të gjitha informacionet e raportuara nga Mary Trump ishin “100 përqind të rreme, dhe shpifëse”.
Vetëm në ditën e parë të publikimit u shitën 950,000 kopje të vëllimit. Shtëpia botuese ka deklaruar gjithashtu mundësinë që ky libër së shpejti të bëhet një film.
