Pasiguria pas nisjes së luftës në Ukrainë dhe rritja e çmimeve, ka dhënë ndikimin e saj po ashtu që të anulohen turet e pranverës në Shqipëri. Operatorët kanë thënë se pjesa më e madhe e tureve natyrore dhe kulturore që organizohen në Shqipëri gjatë pranverës janë anuluar. Më konkretisht, nga turet e pranverës janë deri në 70% anulime. Për shkak të pasigurisë, rezervimet janë anuluar.
Pjesa më e madhe e turistëve që e vizitojnë Shqipërinë në pranverë vijnë nga Europa, me paketa 10 deri 15 ditore. Gjithsesi, operatorët thonë se krahasuar me 2 vitet e pandemisë turizmi njeh përmirësim, duke kapur rreth 40% të rezervimeve të pranverës së vitit 2019, që ishte edhe më i suksesshmi për Shqipërinë.
Ndërsa jemi në prag të hapjes së sezonit turistik, kryeminsitri Rama ka deklaruar dje se qeveria ka punuar shumë gjatë kësaj kohe për të mikpritur turistët e huaj, ndërsa shtoi se është bërë pastrimi i bregdetit dhe i hapësirave të tjera turistike.
