Polica ka goditur një grup të strukturuar kriminal të përfshirë në trafikun ndërkombëtar të drogës.
Grupi me bazë në Tiranë, trafikonte lëndë narkotike në drejtim të Gjermanisë.
Leonard Duka dyshohet të jetë koka e këtij grupi, ndërsa bashkë me të u arrestuan Elvis Gaçaj, ndaj të cilit është kryer atentat në vitin 2015, si dhe Oltion Loga dhe Dritan Agaj.
Urdhër-arrestet janë firmosur nga Prokuroria për Krime të Rënda, ndërkohë që janë kryer një sërë kontrollesh në disa banesa në kryeqytet.
Sipas “Report TV”, deri në këto momente janë kapur armë dhe makina të blinduara. Një automjet i blinduar, BMW seria 7 është me targa të Rusisë. Mjeti blinduar është kapur nga policia pranë shkollës Partizani, nga skuadra operacionale, dhe i përket pikërisht të arrestuarit E.G.
Operacioni është në zhvillim e sipër dhe ende nuk ka detaje të plota zyrtare.
