Demokratët e Qarkut të Beratit do të votojnë të hënën për kandidatët e propozuar nga anëtarësia. Qarku i Beratit, me 8 mandate, ka një numër të madh kandidatësh potencialë për deputetë. Në garën e parë tek anëtarësia janë 26 emra, për të cilët, sipas degës ku kandidojnë, demokratët kanë të drejtë të votojnë listën në bllok ose të kontestojnë një emër.
Vlen të theksohet fakti se Lefter Maliqi nuk është në listën prej 26 emrave që do të garojnë nesër në qarkun e Beratit.
Lefter Maliqi, deputeti opozitar që nuk hoqi dorë nga mandati kur PD-ja doli nga parlamenti, ka sulmuar shpesh kryeministrin Edi Rama. Pavarësisht deklaratave të forta, ai nuk është në listë.
Maliqi tashmë pritet të kandidojë në radhët e LSI, në zgjedhjet e ardhshme parlamentare.
