Pas raportimit të rastit të Elvi Fundos nga kolegu i tij Artan Hoxha, se Prokuroria ka mbyllur hetimet, pasi autorët nuk janë zbuluar, një qëndrim publik ka ardhur nga vetë i dëmtuari.
Gazetari Elvi Fundo ka zgjedhur rrjetin social Facebook, për të shigjetuar politikën, policinë dhe prokurorinë, që sipas tij, janë të kapur nga mafia. Ai akuzon drejtëpërdrejt kreun e opozitës, Lulzim Basha, se ka mbështetur segmente të krimit dhe drogës, të dyshuar si dhunues të tij. Elvi Fundo shkruan se levat pas koke apo plumbat në shtëpi si rasti i Klodit nuk vlejnë, pasi bandat dhe mafja kanë kapur çdo gjë në këtë vend.
“Pas dhunës dhe mos zbardhjes se ngjarjes nga policia.
Pas mbështetjes nga Basha të segmeteve të krimit dhe drogës që dyshohen për rastin tim.
Pas heshtjes të Farmir Xhafes dhe mungesës së vullnetit nga qeveria për kapjen e autorëve dhe urdhëruesit.
Pas servilizmit të Ramës e Metës ndaj krimit.
Pas isos që mbajnë ndaj krimit qerosat dhe beqirat e partive.
Pas 18 muaj prokuroria ashtu siç pritej pezullon hetimet.
Përgjegjës policia e prokuroria që i vendosi vulën.
Këtu duhet të të vrasin, që të shpresosh të zbardhin ngjarjen e kapin autorët.
Levat pas koke apo plumbat në shtëpi si rasti i Klodit nuk vlejnë.
Bandat dhe mafja kanë kapur çdo gjë në këtë vend, qeverinë, opozitën, policinë e prokurorinë. Të gjithë janë bashkëautorë në krim dhe fshehjen e tij.
E në Shqipëri ne këtë e quajmë shtet. Konica kishte të drejtë, shumë aktuale”, shkruan Fundo.
Gazetari Fundo u dhunua nga dy persona në datëm 8 mars 2017, ndërsa në media doli edhe video e momentit të goditjes me sende të forta.
Ngjarja ndodhi te zona e “Stacionit të Trenit” në kryeqytet, ndërsa Fundo u dërgua në spital, pasi mori disa plagë në trup nga goditjet.
https://tiranatoday.com/e-masakruan-me-leva-hekuri-duke-e-shperfytyruar-prokuroria-pushon-hetimet-pa-fajtore-per-gazetarin-elvi-fundo/
