Teatri Kombëtar i Lisbonës mbështet protestën kundër shembjes së godinës së Teatrit Kombëtar Shqiptar.
Lajmin e bën të ditur Aleanca për Mbrojtjen e Teatrit, e cila përmes një postimi në Facebook, deklaron se drejtori artistik i Teatrit Kombëtar D. Maria në Lisbonë, i është përgjigjur pozitivisht thirrjes së tyre.
Ai iu ka dërguar atyre një letër në të cilën shprehet se do ta promovojë këtë kauzë në rrethet artistike e kudo ku do të mundet në Portugali.
Postimi i plotë:
Tiago Rodrigues, drejtor artistik i Teatrit Kombëtar D. Maria në Lisbonë/Portugali i është përgjigjur thirrjes sonë dhe na ka dërguar këtë letër mbështetëse që po e ndajmë me ju si vijon. Përtej kësaj prej tij kemi premtimin që ai do ta promovojë kauzën tonë në rrethet artistike e kudo ku do të mundet në Portugali.
Zoti Rodrigues është një artist shumë në zë i skenës teatrore europiane, aktor, dramaturg e regjisor. Në vitin 2018 ai është nderuar me Europe Prize Theatrical Realitites, një nismë e suksesshme e Komisionit Europian në fushën e arteve performuese.
