Mjekësia ka vendosur në kohët moderne shumë rekorde, dhe ka shpëtuar miliona jetë. Por rasti i rusit Leonid Rogozin është i veçantë. Në vitin 1961, 27 vjeçari ishte kirurgu i vetëm në ekspeditën sovjetike në Antarktidë.
Grupi do të qëndronte 1 vit në kontinentin e ngrirë. Një ditë ai nisi të ketë dhimbje të forta në stomak, dhe temperaturë të lartë. Rogozov zbuloi se kishte apandesit akut, që mund të plaste në çdo kohë.
Për shkak të stuhive polare, ai nuk mund të kthehej në Rusi as nga deti, dhe as nga ajri. Në pamundësi për t’u operuar nga dikush tjetër, dhe në kushtet kur rrezikonte jetën, vendosi të operojë vetë veten.
Ai i udhëzoi shokët e tij të improvizonin një sallë operacioni, duke lënë në të vetëm shtratin, një llambë dhe një pasqyrë, përmes të cilës mund të shihej teksa vetë-operohej.
Rogozov përgatiti një anestezi, dhe udhëzoi njërin prej pjesëtarëve që t’ia injektonte. Anestezia ishte lokale, në mënyrë që ai mos të humbte vetëdijen. Një inxhinier, dhe një meteorolog, e asistuan gjatë operacionit të jashtëzakonshëm.
Dy të tjerë, qëndronin pas dere në rast se dy të parët nuk rezistonin dot. Falë aftësive të tij, 27-vjeçari ia doli me sukses, duke shënuar rastin e parë në botë të një mjeku që vetë-operohet jashtë një spitali. Operacioni zgjati gati 2 orë, dhe mjeku e mori tërësisht veten pas 2 javësh.
TIRANA TODAY
