Kryeministri Edi Rama ka vijuar edhe mbrëmjen e sotme komunikimin live me disa nga qytetarët që kanë shprehur shqetësimet e tyre te platforma “shqipëriaqëduam.al”.
Kreu i qeverisë doli live në Facebook, për t’i dhënë përgjigje ankesave të qytetarëve. Në një nga bisedat, një qytetar nga Saranda i kërkoi leje të dilte malit, pasi ishte i papunë. Kryeministri e këshilloi të rrinte në shtëpi dhe se do ta ndihmonte “për të mbajtur frymën”.
Qytetari e pyeti Ramën nëse do të përfitonte ndonjë shumë monetare në dorë, kryeministri e mohoi këtë gjë teksa ritheksoi se edhe energjia elektrike duhet të paguhet.
Pjesë nga biseda:
Rama: Kush i bie këtij telefoni? Alo…
Qytetari: Fatmiri jam, ti i re…
Rama: Edi jam unë, Edi Rama. Ke shkruar në portal për një leje për lëvizje, si është puna?
Qytetari: Po ndonjë leje për të dalë nga mali për ndonjë punë, se ngelëm brenda pa lekë e pa bukë…
Rama: O ca malesh o vëlla?! Rrini në shtëpi do ju ndihmojmë…nuk ke punë nëpër male… të përqafoj…
Qytetari: Po mirë po rrimë në shtëpi, po ndonjë lekë dore për dritat…
Rama: Lekë në dorë s’ka do të ndihmojmë sa për të ekzistuar, për të mbajtur frymën. Është e pamundur të hy në diskutimin për dritat se është një mall që prodhohet dhe si i tillë paguhet. Më mirëkuptoni edhe mua kjo është një kohë lufte.
