Një banor i qytetit të Durrësit, i cili jeton në një kompleks 15-katësh u shpreh se i gjithë mundi dhe djersa në gjitha këto vite në emigracion, u shkatërrua brenda pak sekondave. Përveç dëmeve, ata kanë rënë pre e grabitjeve.
Ai tha për “Report tv” se janë vjedhur bizhuteri, para dhe televizorë. Ndërsa shton se shumë familje, banesat e të cilëve nuk janë prekur nga tërmeti, kanë frikë të futen brenda.
“Jetojmë në katin e nëntë. Deri në katin e 5 duhet të zvarritesh. Janë vjedhur në banesa para, bizhuteri e televizorë. Janë 285 familje. Edhe ata që janë të paprekur tashmë nuk futen dot. Ai që do më thotë se këtu banohet do ia fal unë shtëpinë të vijë të jetojë ai këtu.
Këtu nuk ka asnjë lloj mbështetje, as një udhëzim. Janë vënë 500 shiritë. Banorët kanë hedhur me litarë thasët me rroba. Ku janë ndërtuesit. Ku mund të jenë sot e kësaj dite. Mur pa llaç, pa mjet lidhës, pa brez betoni. Tre vite pallat i ndërtuar. Investimi i emigracionit, djersa dhe mundi janë shkatërruar këtu. Vetë ndërtuesit jetojnë në vila”, rrëfeu banori.
