E hënë, 21 Qershor, 2021
32.5 C
Tirana

LDK: Isa dhe Hoti sa herë që erdhën në pushtet me hile, ikën me turp

Nga: Ramazan Bekteshi

Në dekadën e fundit është bërë traditë që LDK-ja të turpërohet keq, ti humbi të gjitha zgjedhjet që kur e kapi timonin e partisë Isa Mustafa. Isa kurrë s’kishte qenë anëtar i LDK-së por një njeri që kishte vjel privilegjet e partisë, bilës edhe duke sabotuar presidentin Rugova me dinakëri dhe heshtje, duke abuzuar me Fondin e qeverise dhe me Dardania Bankë. Sa herë që LDK-ja ishte pjesë e qeverisë në dekadën a fundit ajo kishte hy aty si humbëse por kishte bere pazare politike gjithmonë te turpshme e te dëmshme për LDK-në.

Ajo kurrë nuk e kishte përfunduar mandatin por ishte rrëzuar nga HTH kurdo qe ai kishte dëshiruar. LDK-ja duke mos e mësuar asnjëherë leksionin, sërish i ra qeveria e saj e qe erdhi me ndihmën e HTH, por ai nuk ndodhet më në Prishtine ta shpëtoj, sepse Kushtetuesja kësaj radhe veproi pa urdhëratë e Thaçit.

LDK-ja, vazhdon ta quajë veten parti serioze por çdoherë bëri veprime joserioze që rezultuan me humbje, LDK-ja, vazhdon ta quaj veten si një çerdhe ‘akademikësh’ por ne fakt ndërtoi një ‘akademi’ te linçimit e përjashtimit, ndërtoi ‘çerdhe gjarpri e qyqeje.’ Veprimet e saj anti-akademike, autokrate dhe shpesh fëmijërore e bënë LDK-në që të humbi edhe bastionet e saj të fundit, filluar nga kryeqyteti.

Përjashtimi, linçimi dhe gjuetia e shtrigave mbetet pasioni i partisë së Isës, për ndryshim nga lideri historik që kurrë s’e kishte vënë në provë përjashtimin as edhe në një rast të vetëm. Një bandë e LDK-së e kanë sjell një trashëgimi të madhe shtetërore e kombëtare buzë greminës, e kanë sjell partinë e themeluesit të Kosovës moderne pranë shthurjes, vetëm për të ruajte Isën dhe bizneset e një bande të vogël.

LDK-ja, e zëne keq në kurthin e HTH, në kohë pandemie bëri një ndër tradhtitë më të mëdha kombëtare si ajo tradhtia që i është bërë Hasan Prishtinës e Fan Nolit me ndihmën e Serbisë duke u ripërsëritur kështu historia. Ajo e rrëzoi partnerin e saj LVV-në me ndihmën e HTH, Vuçiqt e mikut të Serbisë, Grenell. Por një akt tjetër tradhtie me dëshirën e LDK-së e ekzekutoi HTH në një nate të vonshme pas mesnate, ai i shoqëruar nga një komandant tjetër, Ramush Haradinaj, kontrabanduan votën e vetme që u duhej të Haxhi Shalës për qeverinë kukull Hoti, por duke harruar se një vote tjetër po ashtu ilegjitime ajo e Arifit do të qëndronte e mbështjellur rreth fytit të qeverisë Hoti që tani më e fundosi turpshëm.

Lexo edhe :   Krisja e balancës historike PD-PS

Kryeministri Hoti, një nxënës i dëgjueshëm i bashkëpunëtorit të Rrahman Morinës, një njeri me fytyrë të pafajshme por me çehre akulli, një servil i llojit te vet që e spostoi çështjen e Kosovës buzë humnere: duke tërhequr reciprocitetin, duke sjellë moratoriumin, që shteti ynë të abstenojë nga aplikimi në organizata ndërkombëtare, duke u tërhequr nga pika dhjetë e që është njohja reciproke, duke hy në pazare për pasuritë e Kosovës si Ujmani dhe të gjithë këto veprime bizare te kryeministrit u bënë për t’ia bërë qefin Vuçiqit e Grenellit për ‘hatër’ të ‘Amelikes’ por në dëm të Kosovës.

Lexo edhe :   Vera e nxehtë e politikës shqiptare

Tradhtia dhe mendjelehtësia e Hotit e bënë që ai të hy në negociata si i pabarabarte, duke lejuar që Grenell të barazoj agresorin me viktimën, dhe pranoi të vazhdojnë negociatat me Vuçiqin edhe pse ai vazhdimisht e thotë se kurrë s’do ta njeh Kosovën derisa të jetë kryeministër, dhe, paloset si një nuse kur Lajçak i thotë se Kosova duhet të ndërroj kushtetutën e saj për Zajednicen.

‘Kavalieri’ Hoti, duket edhe me i mjere sot kur ne veri te Kosovës u shfaqen rreshta qytetaresh duke prit te marrin vaksinën qe ua ka siguruar Serbia. Këto imazhe neveritëse ngjallin një pasiguri ne Kosove dhe një dyshim për veriun se kush e qeveris atë pjese te vendit. LDK, Isa, dhe Hoti dështuan turpshëm te kërkojnë te vihen para drejtësisë vrasësit e aktivisteve te LDK-së, i përjashtuan me te mirët, u shtynë me gra te guximshme, dhe për ketë sovrani do ta japi verdiktin e merituar. LDK me Isën ka një emër qe quhet, disfate e një-pas-njëshme!

Tani, erdhi koha për ndryshimin e madh. Ikja e Trump-it me mizdevirin e tij Grenell është një fitore e madhe edhe për Kosovën. Ardhja e Presidentit të zgjedhur Biden është një triumf për Amerikën, për Kosovën dhe botën. Nëse Albini dhe Vjosa do të jenë fitues të zgjedhjeve të ardhshme dhe gjasat janë reale, dhe me Bajden-in president, shansat e Kosovës janë të mundshme për anëtarësim në OKB dhe për një prosperitet që është i vonuar. Me Amerikën, dielli sërish do ti ngroh shqiptarët.

- Reklama -

Më shumë nga kategoria




Të fundit

‘Sot priten 11 mijë doza të Pfizer’/ Manastirliu: Ulet fasha e vaksinimit

Ministrja e Shëndetësisë dhe Mbrojtjes Sociale, Ogerta Manastirliu, teksa ka parë nga afër procesin e vaksinimit në ''Sheshin Skëndërbej'', deklaroi se tashmë është ulur...

Bie qeveria në Suedi/ Löfven, kryeministri i parë që rrëzohet nga parlamenti

Parlamenti i Suedisë ka mbështetur një votë mosbesimi ndaj kryeministrit të qendrës së majtë, Stefan Löfven. Ai bëhet kryeministri i parë që rrëzohet nga...

Teknologji/ Si transferohen numrat nga Android në iPhone shumë thjesht

Si transferohen numrat e regjistruar nga Androidi në iPhone duke përdorur një adresë e-maili në Google 1-Së pari sigurohu që kontaktet tuaja të jenë të...

Dorëheqja e Ruçit/ Zheji: E largoi Rama

Analisti i njohur, Artur Zheji deklaroi se kryeministri Edi Rama e largoi kryetarin e Kuvendit Gramoz Ruçi nga Partia Socialiste, për të patur një...

Bie miti: Sipas FBI-së edhe kriptomonedhat janë të identifikueshme

Javën e kaluar, Departamenti amerikan i Drejtësisë, njoftoi se kishte zbuluar dhe konfiskuar pothuajse gati të gjitha bitcoin-et që ishin paguar në formën e...