Mauro Icardi është emri më i përfolur në merkaton e Interit për tu larguar. E gjithë kjo ka ardhur pas përplasjes që bomberi argjentinas pati me drejtuesit zikaltër dhe nuk zbriti në fushë për disa ndeshje.
Zërat për një largim të tij sa vijnë dhe shtohen, e së fundmi mediat e kanë lidhur atë me një transferim te Juventusi. Destinacioni më i urryer për tifozët e Interit. Por bomberi zikaltër ka vendosur që të sqarojë të gjithë tifozët me anë të një postimi në Instagram, ku është shprehur se nuk janë ato që ai mendon.
“Meqenëse shtypi ka raportuar kohët e fundit lajme që nuk pasqyrojnë mendimet dhe vullnetin tim, dua të informoj tifozët tanë se unë kam njoftuar në mënyrë të përsëritur klubin për synimin tim për të qëndruar tek Inter. Kështu që tani e tutje nuk do të krijohen keqkuptime të asnjë lloji. Unë i kuptoj interesat e shtypit për të shitur lajme të rreme por më shumë se t’i sqaroj gjërat personalisht që nuk mund ta bëj. Unë e përsëris: Kam shprehur tashmë për Interin vullnetin për të qëndruar sepse Interi është familja ime. Koha do të tregojë se kush e tha të vërtetën. Forca Inter, gjithmonë”.
