Pas orësh të tëra proteste edhe përplasjeje fizike mes protestuesve dhe forcave policore, këta të fundit kanë vendosur të tërhiqen. Mësohet se menjëherë pas tërheqjes së forcave policore dhe FNSH-së që rrethonin Teatrin, protestuesit tashmë janë futur brenda në godinë.
Nuk dihet nëse ky vendim nga ana e forcave të rendit është vetëm i përkohshëm deri sa të qetësohet situata. Kujtojmë që përpos përplasjeve fizike në këtë protestë u shënua edhe një tjetër incident, ku një i ri ra përtokë pasi humbi ndjenjat.
