E diel, 17 Janar, 2021
1 C
Tirana

Largimi i ministrave nga Prishtina, fundi i fabulës me racizmin anti kosovar

Nga: Andi Bushati

Nga qeveria u largua dhe ministri i dytë i ardhur nga Prishtina, Gent Cakaj, duke i dhënë fund një ekspertimenti të dështuar për integrimin e shqiptarëve të Kosovës në kabinetin e Tiranës. Fiks dy vjet pas emërimit të tyre në dhjetor 2018, ata rezultuan të panevojshëm në pragun e fushatës elektoale që po afrohet. Por të lexohet me kujdes edhe dorëheqja e Cakjat edhe ajo e Shahinit, në të dyja rastet, jepet si motiv mos kandidimi në zgjedhje.

Pra është e qartë edhe njëherë se as emërimi, as qëndrimi dy vjeçar dhe as largimi nuk kishte lidhje me ekspertizën, aftësinë dhe kontributin e tyre personal në dikasteret që drejtuan. Ata liruan vendet pasi nuk i shërbenin dot aq sa duhet interesave elektorale të rilindjes, ashtu sikurse u afruan për qëllimet e pastra politike të Edi Ramës.

Kush e mban mend kontekstin, që ripërtriu një traditë të ndërprerë që prej kohës së qeverive kuislinge të luftës së dytë botërore, e ka më të lehtë të kuptojë se përse Genti dhe Besa u parashutuan në Tiranë. Ishte periudha që Rama u shpreh për herë të parë nga foltorja e kuvendit të Prishtinës për një president të përbashkët mes dy vendeve. Ishte periudha kur gjatë një interviste në Ulqin edhe Thaçi edhe kryeministri ynë, guxuan të hedhin idenë e hapave unilateralë, nëse BE nuk nga jep mundësinë e një bashkimi brenda unionit.

Të gjitha këto provokime dhe sinjale ishin në kuadër të një projekti më të madh: atij të hartuar mes Vuçiçit, Thaçit dhe Ramës për të coptuar teritorin e Kosovës, duke e ndarë atë në një të ardhme, mes Serbisë dhe Shqipërisë. Kjo lojë me harta edhe Tiranës i jepte mundësinë të valviste flamujt e patriotizmit të rremë të bashkimit edhe Beogradin e çlirontee nga pesha e pamundur e njohjes së një Kosove të pavaruar.

Ka shumë indicie, deklarata dhe pohime se Edi Rama i shërbeu kësaj ideje. Emërimi i Gent Cakajt dhe Besa Shahinit u bë vetëm tre muaj pasi Hashim Thaçi e arikuloi atë me zë të lartë (gusht 2018).

Lexo edhe :   Rama publikon hartat: Ja si e shiti Berisha detin në vitin 2008 (Foto)

Vetëm pas këtij parashtrimi mund të kuptohet më lehtë, polemika që shpërtheu pas deklaratave të ministres së arsimit në ikje e cila foli për nota racizmi anti kosovar në shoqërinë shqiptare. Kjo tezë e fortë, që e ndau debatin publik në dysh duke u mbështetur edhe nga të tjerë, nisej nga premisa se sulmet ndaj dy ministrave të rinj nga Prishtina kishin në embrion elementë të anti kosovarizmit.

Në fakt, flurudha e tyre e shpejtë në politikën e Tiranës tregoi se kjo tezë nuk qëndronte. Nëse është e vërtetë se Besa Shahini dhe Gent Cakaj mbetën si mish i huaj për socialistët apo nuk u pranuan prej tyre, nëse u akuzuan dhe anatemuan ndoshta më shumë se ç’e meritonin, kjo vështirë të ketë pasur lidhje me origjinën prej nga vinin. Refuzimi ndaj tyre, sipas të gjitha gjasave ka të bëjë me përdorimin si vegla nga ana e Edi Ramës.

Lexo edhe :   Rama publikon hartat: Ja si e shiti Berisha detin në vitin 2008 (Foto)

Ai i afroi në një kontekst të caktuar, jo për meritat e tyre në diplomaci dhe arsim, por për shkak të planeve rajonale që pati hartuar me Vuçiçin. Ai i largoi po njësoj, jo se kishin dështuar në ministritë përkatëse, por se nuk i duheshin më në funksion të zgjedhjeve të ardhshme.

Pra edhe fillimi i beftë i punës edhe largimi surprizues nga ministria e arsimit dhe ajo e jashtme, përbëjnë dy momente kyçe që tregojnë se përse edhe Genti edhe Besa mbajtën mbi supe më shumë fshikullime sesa meritonin: për faktin e thjeshtë se ata nuk u perceptuan dot si ministra të republikës por si kukulla të qëllimeve okulte të shefit. Dhe kjo është e mjaftë që kritikat ndaj tyre të mos përdoren aspak si argumenta të ekzistencës së antikosovarizmit.

Por, nëse duhet me patjetër ta lidhim këtë histori me raportin e trazuar mes dy pjesëve të kombit, mund të thuhet tjetër gjë: mund të konkludohet se eksperimeti pervers i Edi Ramës, me reagimet e natyrshme që shkaktoi, ishte vërtet një shtysë për ta parë më shtrembër njëri – tjetrin. /Lapsi.al

- Reklama -

Më shumë nga kategoria




Të fundit

Basha poston videon: Rama gënjeu shqiptarët, duhet të largohet

Kryetari i Partisë Demokratike, Lulzim Basha shprehet se kryeministri Edi Rama i gënjeu shqiptarët, ndaj dhe ai duhet të largohet. Teksa ka shpërndarë një video...

Kanosi me armë zjarri 18-vjeçarin, arrestohet i riu në Lezhë

Një 20-vjeçar është vënë në pranga nga policia në Lezhë ditën e sotme. I riu ishte shpallur në kërkim pasi më 12 janar kishte kanosur...

Turqia vaksinon mbi 650.000 punonjës shëndetësorë në 3 ditë

Më shumë se 650.000 punonjës shëndetësorë në Turqi kanë pranuar një dozë të vaksinës kundër COVID-19 në tre ditët e para të fushatës së...

Video/ U ndërtua për 8 vite: Del në shitje shtëpia më e madhe në botë, ja çmimi

Pas rreth një dekade në ndërtim, shtëpia më e madhe në botë është në shitje. 340 milionë dollarë është vlera e rezidencës gjigante 105.000...

Horoskopi 17 janar 2021, parashikimi i yjeve për ju

Dashi Nen ndikimin e madh te Venusit ju do i jepni me shume prioritet se kurrë me pare jetës ne çift. Do ndiheni mire pranë...