Presidenti francez e ka quajtur një sinjal historik largimin e Mbretërisë së Bashkuar nga Bashkimi Evropian, duke nënkuptuar që Evropa duhet të shkundë “pluhurin e rëndë” të burokracisë që ka përfshirë BE-në në kohët e fundit.
“Është një sinjal alarmi historik që duhet ta dëgjojë secili shtet i yni dhe të dëgjohet nga çdo evropian dhe të na bëjë të mendojmë”, tha ai.
Ky mesazh i tij lidhet dhe me adresimet që presidenti i Francës ka bërë në vitet e fundit, ku ka kërkuar një reformim të BE-së dhe rivitalizim të institucioneve të saj.
“27 vendet tjera të BE-së duhet ta bëjnë Evropën më sovrane dhe demokratike, të jenë më të afërt me qytetarët e tyre dhe më të thjeshtë me qëllim që të mund të rindërtojnë projektin evropiane. Është një ditë e pikëlluese, që nuk duhet ta fshehim. Gjithashtu është një ditë që duhet të na tregojë se duhet të vazhdojmë ndryshe. Të ndërtojmë me përkushtim dhe me efektivitet më të madh Bashkimin Evropian”, shtoi presidenti francez.
