Ditëve verore me zagushi, gjatë javës së ardhshme do ti vijë fundi. Paqëndrueshmëria e cila do të prekë Mesdheun, parashikohet të sjellë kontraste të forta termike.
Për pasojë, reshjet e shiut prej së martës e deri të enjten do të marrin karakter shtrëngatash me rrufe e breshër të izoluar. Si në çdo pranverë, reshjet nisin furishëm e hera herës i lenë vendin diellit. Era do të fryjë e lehtë e mesatare në bregdet kryesisht me drejtim juglindje.
Të enjten era nga kuadrati i veriut, do të jetë e vrullshme veçanërisht në bregdet duke sjellë dhe det të trazuar.
