Të shtëna me armë zjarri janë regjistruar pak minuta më parë në Durrës, pas një konflikti mes dy personave.
Ngjarja ka ndodhur në lagjen numër 17, në hyrje të qytetit, ndërsa raportohet se nuk ka persona të lënduar.
Ndërkohë, në momentin që policia ka shkuar në vendngjarje ka gjetur edhe një gëzhojë, teksa po punohet dhe për sqarimin e rrethanave të ngjarjes.
Informacion paraprak:
Më datë 11.04.2019, rreth orës 17:05, në lagjen nr 17 Durrës, shtetasi A.J.,53 vjeç, ka njoftuar Policinë pasi ka konstatuar në automjetin e tij të parkuar në afërsi të një lokali, disa dëmtime të cilat ngjasojnë me ato të shkaktuara nga armë zjarri.
Menjëherë shërbimet e Policisë kanë shkuar në vendngjarje dhe nga hetimet paraprake dyshohet se këto dëmtime mund të jenë shkaktuar me armë zjarri.
Grupi Hetimor vijon punën për zbardhjen e plotë të rrethanave të ngjarjes, identifikimin dhe kapjen e autorit/ëve.
