Pas lajmit të rremë që u përhap mbrëmjen e djeshme, se pritej një tërmet 6 ballë afër mesnatës, ka ardhur edhe reagimi i ministrit të Brendshëm, Sandër Lleshaj.
Përmes një postimi në Twitter, Lleshaj dënon rëndë ata të cilët përhapën këtë informacion të rremë, duke përhapur kështu edhe panik tek qytetarët e Tiranës, të cilët dolën nga banesat e tyre nga frika për një tërmet më të madh.
Lleshaj paralajmëron se fajtorët për këtë akt do të përballen me drejtësinë teksa shprehet se policia ka filluar me veprimet e para.
“Ata që në vend të solidaritetit njerëzor zgjodhën të nxisin tinëzisht dhe djallëzisht panikun, duke kontribuar kështu për të favorizuar gjithë llojet e krimit, do të përballen me ligjin.
Policia ka kryer ndërkohë veprimet e para”, shkruan Lleshaj në Twitter.
Ata që në vend të solidaritetit njerëzor zgjodhën të nxisin tinëzisht dhe djallëzisht panikun, duke kontribuar kështu për të favorizuar gjithë llojet e krimit, do të përballen me ligjin.
Policia ka kryer ndërkohë veprimet e para.— Sandër Lleshaj (@SanderLleshaj) September 22, 2019
