Dikush e “sabotoi” kryetarin e FRESSH-it, Eljo Hysko, duke i bërë publike mesazhet që ai ia drejtonte aktivistëve, se çfarë duhet të shkruanin tek komentet e kryeministrit. Rama një ditë më parë realizoi një video “live” në Facebook, ndërsa dha mesazhe të qarta ndaj studentëve protestues.
Në monologun në Facebook, Edi Rama kishte vënë në shërbim gjithë makinerinë e tij të propagandës. Më flagrante është porosia që kryetari i FRESSH-it, Eljo Hysko, u bënë aktivistëve të forumit, për të komentuar sipas asaj që ai u ka dërguar.
https://tiranatoday.com/kryetari-i-fressh-it-del-zbuluar-i-publikojne-mesazhet-private-per-ramen-foto/
Është Nisma#Thurje, e cila ka kapur “mat” një vajzë të re, e cila nuk është ndalur me mesazhet, sikundër është urdhëruar me anë të një sms, si pjesa tjetër e mbështetësve.
Duket se ajo e ka kryer detyrën e saj me sukses, por nga ana tjetër, kjo gjë nuk i ka shpëtuar syrit të kritikëve. Bashkëngjitur mesazheve, Nisma #Thurje shkruan: “Lajmërojmë shefin se Jona e tejkaloi planin me 300%”.
Në komunikimin “live” në Facebook, në lidhje me çështjen e studentëve, kryeministri deklaroi se duhet të ketë dialog. Rama theksoi se mes tyre nuk ka asnjë konflikt, dhe rruga për gjetjen e zgjidhjes është dialogu.
