Lajme të mira vijnë nga Kosova, ku është ulur ndjeshëm numri i viktimave dhe të infektuarve si pasojë e koronavirusit. Gjatë 24 orëve të fundit janë testuar gjithsej 474 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 119 raste pozitive.
IKSHPK njofton se brenda 24 orëve kanë humbur jetën 3 persona.
Numri total i rasteve pozitive është 13.910 nga 53.090 persona të dyshimtë në virusin SARS-CoV-2, dhe 551 persona kanë humbur betejën me COVID-19.
