Protestën e opozitës, deputeti i Partisë Socialiste, Petro Koçi e cilëson si një lajm të keq për vendin tonë. Në morinë e argumenteve spikasin edhe akuzat për oligarkët. Sipas tij, shpenzimet e protestës vertetuan se oligarkët bëjnë lojë me shumë porta. Ai shprehet se ndryshimi i lidershipit politik nuk shkon siç duhet, duke vërtetuar se Berisha nuk kërkon asnjëherë të lë pushtetin.
Ja se çfarë shkruan Petro Koçi
Edhe se nuk ishte proteste me e madhe nga ato qe orientonte Lul Basha serish mund te themi se protesta e mbremshme ishte nje lajm i keq per Shqiperine.
Deshmoi se per pëdëistet Saliu eshte me i rendesishem se Shqiperia.
Deshmoi se euroatlantizmi ne PD nuk eshte bindje, por retorike pragmatiste.
Shpenzimet e protestes vertetuan gjithashtu se oligarket bejne loje me shume porta.
Nga ana tjeter verteton se standarti kulturor dhe politik i Berishes eshte mjaft i perhapur ne shoqeri. Deshmon se rinovimi i vertete politik, ndryshimi i lidershipit politik te ne eshte seprapthi. Prandaj Nano iku para Berishes kur duhej te ndodhte ndryshe. Iku Luli para Berishes, kur ky i fundit duhej te ishte ne pension.
Ndersa nga gjuha e analisteve kuptoj qe dhuna ne shoqerine tone eshte akoma pasion.
Kujtojmë këtu se qytetarët u nisën nga disa qytete të vendit, për të mbërritur në protestën e Sali Berishës në kryeqytet. Demokratët e parë u grumbulluan tek selia blu. Demokratët dhe protestuesit e tjerë u ndanë në tre grupe dhe më pas u bashkuan para Kryeministrisë. Fjalën e fundit e mbajti ish-kryeministri Sali Berisha, i cili mbylli dhe protestën. Nga ana tjetër, kryeministri Edi Rama nuk ishte në zyrën e tij. Ai zgjodhi ta ndjekë protestën e opozitës, të udhëhequr nga Sali Berisha, nga qyteti i Vlorës.
