LAJM I FUNDIT/ Veton Surroit i rikthehet titulli “Qytetar Nderi”

I rikthehet titulli “Qytetar Nderi” Veton Surroit, pasi prefekti i Kukësit refuzon vendimin e Këshillit të Qarkut Kukës. Publicistit dhe politikanit nga Kosova, Veton Surroit, më herët iu hoq titulli “Nderi i Qarkut Kukës”, i dhënë nga Këshilli i Qarkut në vitin 2015.

Ky vendim, sipas Kryetarit të Këshillit të Qarkut, Abdulla Domi, u mor si rrjedhojë e kërkesës drejtuar Këshillit të Qarkut nga dy intelektualë të Kukësit, të cilët sipas Domit, kanë paraqitur edhe argumentet përkatës. Ndërsa për kryebashkiakun e Kukësit, Safet Gjicin, njëkohësisht anëtar i Këshillit të Qarkut, heqja e titullit është mësë e arsyeshme për shkak të fushatës mediatike dhe politike që Veton Surroi po bën kundra Ushtrisë Çlirimtare të Kosovës.