Ndonëse më herët gjatë ditës ishte paralajmëruar se kryeministri i dorëhequr, Ramush Haradinaj, do të udhëtonte për në Hagë për t’iu përgjigjur ftesës së Gjykatës Speciale, një gjë e tillë pritet të mos ndodhë.
Së paku kjo nuk do të ndodhë me orarin e paralajmëruar.
“Ju njoftojmë se fluturimi me të cilin ka pasur të udhëtojë kryeministri në detyrë i Republikës së Kosovës, Ramush Haradinaj për në Hagë, është shtyrë për disa orë, për shkak të vonesave të kompanisë së fluturimeve “Austrian Airlines””, ka bërë të ditur zyra e kryeministrit.
Haradinaj do të merret në pyetje nga Gjykata Speciale, për krimet e pretenduara ndaj serbëve gjatë luftës.
