Pak ditë më parë, aktori Laert Vasili u shpreh se nuk i trembet kritikave dhe e thotë hapur që është grek. “Unë jam grek, ta them unë në televizor që të mos më shajnë në rrjetet sociale. Çuna vazhdoni, e thashë vetë”, tha ai. Lidhur me këtë deklaratë të bujshme, aktori foli sërish teksa ishte i ftuar në “Ftesë në 5”.
I ofenduar nga të gjithë “militantët që kënaqen me një thes orizi”, siç u shpreh ai, Vasili nënvizoi se do të vazhdojë të mbajë të njëjtin qëndrim, derisa të respektohet siç e meriton nga vetë shqiptarët.
Teksa Bieta e pyeti për reagimin e prindërve pas deklaratës “unë jam grek”, Laerti kërkoi të mos përfshiheshin në këtë bisedë. Ai tha se prindërit janë me shkollë të lartë, por varfëria i detyroi që bënin punë të ndryshme. Kjo me qëllimin që t’u garantonin fëmijëve të tyre një jetesë sa më të mirë.
“Lëri prindërit e mi atje ku janë. Prindërit e mi me 3 diploma nëna dhe 2 babai, u katandisën të lanin shtëpitë e botës për të rritur kalamajtë e tyre”, tha Vasili.
