Muaj më parë, Fiori Dardha dhe Robert Aliaj u kthyen në kryefjalë të mediave rozë, pasi debati i tyre gjatë spektaklit “Dance With me” degjeneroi në ofendime. Kjo bëri që Fiori të largohej nga spektakli gjatë transmetimit live. Por mbrëmjen e djeshme, në emisionin e Alketa Vejsiut, moderatorja tregoi se atë sherr e ka lënë pas në të kaluarën, dhe nuk i mban më inat Robertit.
Po kështu, ajo nënvizoi faktin se ka disa gjëra më të shtrenjta se ekrani, dhe këto janë parimet tona. Ikja nga emisioni ishte për shkelje parimesh, dhe se për asnjë arsye, ajo nuk do të bënte kompromis.
“Ka kaluar shumë kohë nga ai debat, dhe në televizion diçka e vogël të ndodhë bëhet shumë e madhe. E kemi harruar atë episod, sepse njerëzit nuk mund të jetojnë me inate.
Ka disa gjëra që janë më të shtrenjta se ekrani, dhe ato janë parimet tona. Parimet nuk duhen shkelur për asgjë, mbi dinjitetin tënd nuk duhet të shkel askush”, u shpreh Fiori.
