Këngëtarja Rezarta Shkurta, ka shprehur haptazi revoltën ndaj Donaldit, pas afërsisë së tij me Beatrixin. Në atë që po konsiderohet si ‘tradhti’ ndaj Borës, ajo ka postuar një foto në Instastory, ku ka hequr Donaldin nga Instagrami sa i takon vendimit të tij të fundit.
“Unë jam adhuruese e dashurisë. Jam adhuruese e sinqeritetit dhe e fjalës së burrave, atyre prej vërteti. Jam adhuruese e njerëzve që nuk shiten as për show, vëmendje etj. Unfollow me shumë kënaqësi për ata që si kanë këto vlera”, shkruan ajo.
Mbrëmjen e djeshme, moderatorja Arbana Osmani i dha një mesazh nga ekrani Bora Zemanit, duke u shprehur se e ndjen si një grua presionin që ajo ka në këto momente.
“Më vjen keq që një vajzë si Bora është futur në këtë situatë. Duhet të jetë një presion shumë i madh për të. Unë si grua e kuptoj shumë mirë, dhe kam qenë një nga ato që ndjeja se mund të kishte një dashuri përrallash mes tyre.
Por asnjëri prej nesh nuk e di se çfarë do secili prej dy protagonistëve. Të gjithë ne që jemi jashtë, duhet të respektojmë si Borën dhe Donaldin”, tha Arbana.
