Gazetari Ylli Rakipi e cilësoi kryeministrin Rama një person të rrezikshëm për vendin.
I ftuar në “News24”, Rakipi u shpreh se Rama po sillet agresivisht nda Teatrit Kombëtar dhe kryeqytetit. Ndërsa theksoi se duhet më së paku të pyeten shqiptarët për të prishur ose jo godinën e Teatrit Kombëtar.
“Këto shembje nuk mund të bëhen kështu. Duhet një referendum. Edi Rama shemb objekte të rëndësishme kryesore. Po të shkosh jashtë, në Itali dhe Greqi, në Korfuz prsh nuk mund të prekësh dot një shkëmb që është i mbrojtur përshembull”, tha ai.
Ndër të tjera, Rakipi u shpreh se perceptimi që bën Rama është një rrezik i madh, ndërsa shtoi se kryeministri e sheh vendin sipas mendjes së tij, nuk vepron sipas rregullave e ligjeve.
“E kam thënë se një filozof i shquar Emanuel Kanti shkruante dhe thoshte bota nuk është ajo që shohim, por ajo që mund të bëhet sipas mendjes sonë. Rama është një artist i gjymtuar. Ai pa pyetur askënd, ose qoftë referendum bëj, nuk e bën, por e sheh Shqipërinë sipas kokës së vet, në një mënyrë të rrezikshme për vendin. Kjo është më e keqja. Duhet stopuar sa më parë. Perceptimi që bën Rama është një rrezik i madh. Kemi të bëjmë me çmendurinë e një njeriu.
Unë dëgjova Ramën në Asamble. Unë kam jetuar edhe diktaturën, edhe këtë kohë. Ai thellë në sub-koshiencën e vet nuk e do këtë pushtet. Por, ka shkuar deri atje sa ai nuk ka rrugë kthimi. Të dyja palët janë nisur në rrugë pa kthim, në një të keqe të madhe për vendin. Jemi në një front ku kryeministri i vendit është detyruar të shkojë në këtë rrugë dhe lojën gjoja demokratike e luan me gjoja u pushua Ditmir Bushati apo ky, njësoj si grupet armiqësore në kohën hoxhiste. Ky vend ka kaluar në super-çmenduri”, deklaroi Rama.
