Djathërat e prodhuara nga qumështi i lopës, deles, apo dhisë, janë më se të zakonshme në treg. Por a keni provuar ndonjëherë djathë, të prodhuar nga qumështi i gomarit? Me siguri që jo. Dhe kjo për shkak se Pule, djathi nga qumështi i gomarit, është më i kushtueshmi në botë.
Ai prodhohet ekskluzivisht nga qumështi i gomarit të Ballkanit, dhe kryesisht në Serbi dhe Malin e Zi. Ai ka çmimin astronomik 1200 dollarë për 1 kg. Për të prodhuar 1 kilogram djathë të bardhë nga ky lloj, do të duhen të paktën 25 litra qumësht, të cilat mund të kushtojnë deri në 52 dollarë litri.
Një gomar mund të prodhojë vetëm 2 litra qumësht në ditë, ndërsa një lopë deri 15 herë më shumë. Dhe gomerët prodhojnë qumësht vetëm për pak javë, pas lindjes së të vegjëlve të tyre.
Djathi Pule, ka shumë përfitime shëndetësore. Ai është jashtëzakonisht i pasur në proteina, kalcium dhe acide yndyrore Omega-3, të cilat janë thelbësore për të pasur një zemër të shëndetshme.
Gjithashtu, qumështi i gomarit ka pak yndyrna, është plot me veti anti-alergjike, ndërsa ka 60 herë më shumë vitaminë C se sa qumështi i lopës./ Tirana Today
