Fillon seanca e parë plenare për këtë sesion parlamentar. Në sallë është vënë re mungesa e opozitës, e cila ka udhëtuar drejt Shkodrës, ku do zhvillojë një mbledhje të jashtëzakonshme si mesazh kundër krimit.
Kryeparlamentari Gramoz Ruçi u ka bërë thirrje të gjithë aktorëve politikë që të ndajnë “betejën” e brendshme politike, nga “beteja” e përbashkët e vendit në rrugën drejt integrimit evropiane.
Sot hapim sesionin e ri parlamentar. Dua të ndaj me ju disa këndvështrime të miat mbi arritjet e sesionit që lamë pas dhe detyrat e kuvendit për sesionin e ri që po hapim sot. Ky sesioni bashkë me atë pasardhës do të ketë një mision, kurorëzimin për celjen e negociatave në qershor 2019. Të gjitha kontributetet tona t’ja kushtojnë Shqipërisë Evropiane.
Ftoj të gjitha grupet politike që të ndajnë luftën për pushtet në luftën për Shqipërinë në BE.
Reforma në drejtësi po pastron sistemin, ku pastrim i përgjigjet etjes së shqiptarëve për drejtësi.
Arritjet e reformës në drejtësi janë arritjet e sesionit të kaluar. Shtylla kryesore do të jetë vettingu dhe lufta kundër krimit të organizuar.
