E mërkurë, 16 Qershor, 2021
20.5 C
Tirana

Kuvendi i Shqipërisë mbyll dyert për gazetarët

Gazetarët që raportojnë nga Kuvendi i Shqipërisë u njoftuan të premten më 4 qershor se Byroja e Kuvendit ka vendosur të mbyllë aksesin e gazetarëve nëpër mjediset e kryesisë së kuvendit duke ndaluar gazetarët dhe kameramanët të raportojnë në mënyrë të pavarur dhe duke e zëvendësuar këtë me transmetimet e kontrolluara nga vetë kuvendi.

Vendimi i publikuar në faqen e internetit të parlamentit mban datën 2 qershor, ndryshon rregulloren e vitit 2014 dhe sanksionon që gazetarët nuk do të mund të lëvizin më në mjediset e Kryesisë së Kuvendit, ku zhvillohen kryesisht seancat e komisioneve parlamentare, por do të detyrohen të qëndrojnë në një dhomë të veçantë në bodrum, nga ku do të mund të ndjekin përmes rrjetit të transmetimit të kontrolluar nga kuvendi, punimet e parlamentit.

Kuvendi i Shqipërisë bëhet në këtë mënyrë institucioni i rradhës që mbyll dyert për gazetarët dhe zëvendëson raportimin e pavarur me transmetimet zyrtare të kontrolluara nga zyrat e shtypit.

Koloreto Cukalli, drejtues i Këshillit Shqiptar të Medias i tha BIRN se vendimi i fundit është njëkohësisht absurd për nga lloji, pasi merret nga një parlament pas zhvillimit të zgjedhjeve dhe gjithashtu i tillë që kufizon lirinë e medias dhe cënon cilësinë e raportimit.

“Gazetarëve u kërkohet të mos jenë prezent aty ku ndodh lajmi, por të përcjellin atë që i pëlqen institucionit,” deklaroi Cukalli, duke theksuar se një praktikë e tillë e mbylljes së dyerve është nisur nga partitë politike dhe është pasuar nga qeveria, për të përfunduar tani, te pushteti ligjvënës.

Rregullorja, në një kapitull të quajtur “Orientimi i masmediave” sanksionon që rojet e kuvendit “sigurojnë shoqërimin e personave të akredituar gjatë qëndrimit të tyre në Kuvend,” kur e shohin të arsyeshme ndërsa gazetarët duhet të qëndrojnë në vetëm një mjedis të përshkruar si “Neësroom”.

Përjashtim nga ky rregull përbëjnë Televizioni Publik Shqiptar dhe Agjencia Telegrafike Shqiptare, dy institucione propagande të kontrolluara nga qeveria. “Personat e akredituar, punonjës të RTSH dhe ATSH, mund të lëvizin lirisht,” thuhet në vendim.

Kuvendi i jep gjithashtu të drejtë vetes në rregullore që të “organizojë intervista”, ku gazetarët duhet që të bëjnë kërkesë te zyra e shtypit.

Rregullorja e re ndryshon një rregullore të vitit 2014, në bazë të së cilës, gazetarët akreditoreshin te Kuvendi dhe kishin të drejtë të lëviznin nëpër korridore dhe të ndiqnin punimet e komisioneve nga mjedise të përcaktuara për median në sallat e mbledhjeve të këtyre komisioneve./BIRN

- Reklama -

Më shumë nga kategoria




Të fundit

Të ndalet sa më shpejt gjenocidi ndaj myslimanëve në Kinë

Nga Joseph Bosco “The Hill” Kur tmerret e plota të Holokaustit Nazist ishin më se të qarta edhe për mohuesit më kokëfortë gjatë viteve 1940-1950,...

Dhunohet drejtoresha në Bashkinë e Tiranës

Policia njofton se është dhunuar për shkak të detyrës Drejtoresha e Agjencisë së Parqeve dhe Rekreacionit në Bashkinë e Tiranës. Agresori është një 34-vjeçar me...

‘Vatra’ deklaratë: Të na tregohet pse Berisha u shpall “non grata”

DEKLARATË PUBLIKE E FEDERATËS PAN – SHQIPTARE TË AMERIKËS VATRA, RRETH SHPALLJES ‘NON GRATA’ TË ISH- PRESIDENTIT SHQIPTAR DR. SALI BERISHA Federata Pan - Shqiptare...

BE heq kufizimet e udhëtimit për Shqipërinë, Serbinë dhe Maqedoninë e Veriut

Vendet anëtare të Bashkimit Evropian kanë rënë dakord të mërkurën (16 qershor) të heqin kufizimet e udhëtimit për udhëtarët nga tetë vende dhe territore...

Arma më e fuqishme e Opozitës

Nga Oerd Bylykbashi Ligji i Dekriminalizimit funksionon si sahat! Një tjetër kryebashkiak i dënuar me burgim u zbulua falë tij, duhet të largohet nga funksioni...