Presidenti Ilir Meta po dëshmon në Komisionin Hetimor, i ngritur posaçërisht për hetimin e tij. Kreu i Shtetit e ka nisur fjalën e tij duke treguar fillimisht arsyet që e çuan të pranonte të merrte pjesë në këtë seancë.
Sipas tij, çdo politikan, aq më tepër kryetari i shtetit duhet të shfaqë respekt ndaj institucioneve, ndërsa nënvizon se Kuvendi e ka bërë gjykimin para se të nisë hetimin .
“E gjykova të arsyeshme dhe të domosdoshme që të jem këtu, sepse kam bindje të plotë që çdo politikan, aq më tepër kryetari i shtetit duhet të tregojë respekt ndaj institucioneve dhe të japë shembullin e bashkëpunimit. Së dyti e jam i bindur që pavarësisht se Kuvendi e ka bërë gjykimin para se të nisë hetimin, përmes rezolutës, në interes edhe të transparencës edhe të ndriçimit të çështjeve që kanë të bëjnë me vendimmarrjen për të dhënë të dhëna të tjera që mendoj se u shërbejnë të gjithëve për tu qartësuar më shumë”, deklaroi Meta.
Komisioni do hetojë nëse Meta ka shkelur Kushtetutën lidhur me vendimin për zhdekretimin e 30 qershorit.
