“Kuvend” në Vlorë/ “Dy çobanët nuk u vranë për dy dele”

Sot në orën 10:00, pritet të zhvillohet seanca plenare në Kuvend. Opozita vijon marrëdhënien e kushtëzuar me Kuvendin, dhe sot do të zhvendosë takimin e saj në Vlorë. Ndonëse opozita vijon bojkotin, dy deputetët e LSI-së, Lefter Koka dhe Vangjel Tavo do të jenë të pranishëm në Kuvend.

https://tiranatoday.com/opozita-zbarkon-ne-vlore-dy-deputete-te-lsi-shkojne-ne-kuvend-cfare-po-ndodh/

Një ditë më parë, kryetarja e LSI-së, Monika Kryemadhi, ka paralajmëruar “veprime ilegale” në vijimësi të aksionit opozitar. Ajo ka deklaruar se çdo ditë përballen me kriminelë, duke kujtuar faktin se dy çobanë janë vrarë.

“Që të jemi të sinqertë, shumë veprime do i bëjmë ilegale. Mos harrojmë që përballemi me kriminelë, mos harrojmë që derën e shtëpisë nuk të troket më policia, i ngarkuari i zonës, por të troket killeri i zonës, dhe të thotë; o merre këtë zarfin me para, ose do hash plumbin nesër. Ne këtë e kemi parë. Kanë qenë dy rastet e fundit, dy çobanë janë vrarë. Mos kujtoni se çobanët u vranë për dy dele, sepse nuk të futet plumbi me snajper për dy dele, apo jo?”, tha Kryemadhi gjatë intervistës për emisionin “Fakt”.

Po kështu ajo nënvizoi se së bashku me kreun demokrat, nuk do të ndalen me bërjen publike të emrave. “ Jo, nuk kemi frikë ne, se po te dalësh sot siç del Lul Basha dhe unë që flasim me emra, nuk është frikë, apo jo? Por ama unë, Lulzim Basha dhe të gjithë kryetarët e opozitës nuk marrim dot përsipër që të përballemi nesër me viktima, që nuk do i gjendet kurrë vrasësi i tyre, sepse është edhe shoferi i Ministrit të Brendshëm, që është vrarë dhe nuk iu gjet vrasësi”.