Ish-ministri i Drejtësisë, Ylli Manjani, ka ironizuar qëndrimet e mbajtura nga zv.ndihmës Sekretari amerikan i Shtetit, Matthew Palmer për zhvillimet në Shqipëri. Në komentin e radhës në Facebook, Manjani kërkon të dijë se çfarë bëhet me Palmer, ndërsa daljet e tij janë rralluar. Me doza të forta ironie, Manjani cek premtimet e Matthew Palmer, ndërsa fliste për zgjedhjet e ligjshme dhe ngritja e Gjykatës Kushtetuese.
Statusi
Ore a ka parë e dëgjuar njeri për këtë Palmerin?!
Se kemi parë ka kohë. Që vjet në verë, kur na foli për zgjedhjet e ligjshme një partiake dhe na premtoi që do na bënte me Gjykatë Kushtetuese, se pamë më…!
Desha tja di mendimin e Tij për “zgjedhjet e ligjshme” në Shkodër, Vaun e Dejës, Durrës, Vorë, Mallakastër, Bulqizë e në gjithë vendin.
Desha ta dëgjoj edhe njëherë se kur do na e bëjë Gjykatën Kushtetuese?!
Nuk po e ngarkoj me çështje të tjera si minischengeni apo mos hapja e negociatave se ka halle. Por për ato që na premtoi të paktën të na japë një shpjegim.
Nejse, kush ta shohë të më bëjë zë!
Reagimi i Manjanit pason pas videos së shumë diskutuar të kryebashkiakut të PS-së. Pas publikimit të videos së kryebashkiakut të Bulqizës, Lefter Alla, gazetari Artan Hoxha nuk vuri aspak në dyshim identitetin e kryebashkiakut që shihet në video, ndërsa merr kokainë.
Hoxha sqaroi se videoja është edhe më e gjatë, në regjistrimin e të cilës kryebashkiaku shihet në aktivitetin e tij, ku është filmuar edhe me pamje më të qarta, të cilat nuk lënë asnjë dyshim, se bëhet fjalë për Lefter Allën, kryebashkiakun e Bulqizës. Më tej Hoxha sqaroi se kryebashkiaku ka marrë kokainë, pasi është zgjedhur kryebashkiak dhe pasi ka bërë edhe betimin.
