Për para njerëzit bëjnë gjëra nga më të çuditshmet. Ka shumë njerëz që bëjnë punë të çuditshme, nga nuhatja e letrave të banjos, deri tek përqafimi me dikë të panjohur në shtrat. Këto punë janë dukshëm të çuditshme, por punonjësit e tyre paguhen shumë. Ja cilat janë ato:
10. Përqafues profesionistë
Edhe pse kjo punë mund t’iu duket e çuditshme, shumë njerëz paguajnë për këtë shërbim. Dhe profesionistët paguhen shumë para, sa që kjo pagë është ideale në raport me ngathtësinë e imagjinueshme që kërkon kjo punë. Këta punonjës paguhen 60-80 dollarë në orë për shërbimet e tyre, kryesisht në Japoni.
- Testues i ushqimit të qenve
Testimi i shijes, është një punë e zakonshme në kuzhinë. Por kur mendoni për testimin e ushqimit të qenve, ndoshta shumë njerëz tërhiqen. Kompanitë e njohura të ushqimit të qenve, punësojnë njerëz për të provuar ushqimin e qenve, duke e gjykuar atë nga aroma, ushqimi dhe madje edhe paketimi i tij. Fatmirësisht, shumica e testuesve të ushqimit të qenve e pështyjnë ushqimin e qenit para se ta gëlltisin atë. Paga e njëtestuesi të ushqimit të qenve shkon zakonisht në 40 mijë dollarë në vit.
- Testues i rrëshqitësve në pishina
Kjo punë nuk është aq e çuditshme, por absolutisht shumë argëtuese. Një kontrollor i rrëshqitësve të ujit, udhëton nëpër pishina të ndryshme dhe teston performancën e pajisjes, dhe në fund do t’i thotë kompanisë nëse ka ndonjë shqetësim për sigurinë.
Edhe pse është kënaqësi të kolovitesh në këto pajisje dhe të fitosh para, udhëtimet në shumë vende mund të jenë ndonjëherë të lodhshme. Paga e tyre mesatare është rreth 30.000 dollarë në vit.
- Testues të produkteve të pastrimit të fytyrës
Mund të mendoni se kjo është një punë e sajuar. Në fakt është një punë e vërtetë. Ata testojnë njerëzit që përdorin produktet e pastrimit. Kur dikush ka përdorur një produkt për fytyrën, një nga këta punonjës përdor aftësitë e veta shqisore për të gjykuar produktin që po përdoret. Ata punojnë për disa orë në ditë, dhe paguhen rreth 25 dollarë në orë.
- Zhytës dhe rikuperues i topave në fushën e golfit
Detyra e një punonjësi të tillë, është të mbledhë topat e golfit që bien në ujë. Megjithëse kjo duket një punë e lehtë, ajo mund të jetë me raste jashtëzakonisht e rrezikshme. Ndaj duhet të keni muskuj të fortë që të tërhiqni nga uji një qese të madhe me topa golfi.
Zhytësit zhyten në ujëra ku ndonjëherë ka krokodilë por edhe rreziqe të tjera. Pastaj ata i shesin ato topa ose i kthejnë në kursin e golfit, në varësi të faktit nëse janë kontraktues të pavarur, apo nëse po ofrojnë një shërbim të paguar nga një kurs golfi. Duke qenë se kjo punë është vërtet sfiduese, ata paguhen 50-100 mijë dollarë në vit.
- Mbajtësit e radhës
A nuk irritoheni kur shkoni diku dhe shihni një radhë të gjatë njerëzish para jush? Gjëja më e keqe, është kur të duhet të presësh në atë radhë. Fatmirësisht, ju mund të paguani dikë që të presë në radhë për ju. Ka shumë kompani që e ofrojnë këtë shërbim.
Kjo punë tingëllon e mërzitshme, por ju në thelb nuk po bëni asgjë dhe gjithsesi paguheni. Disa njerëz madje kanë fituar 1500 dollarë duke pritur në radhë për dikë që dëshironte një iPhone të ri. Mbajtësit e radhës paguhen zakonisht 20 dollarë në orë, një shumë mjaft e mirë, po të keni parash se qëndroni vetëm ulur.
- Këshilltarët personalë të blerjeve
Shumica e njerëzve kënaqen kur dalin të bëjnë blerje të ndryshme. Por ndonjëherë është e vështirë të marrësh vendimin e duhur mbi atë që do blesh. Këshilltarët e blerjeve, ju japin këshilla se çfarë duhet të blini. Kjo mund të duket si një punë e lehtë, por ndonjëherë ka vështirësitë e veta. Si këshilltar personal blerjesh, ju duhet të krijoni marrëdhënie me klientët tuaj, dhe të kuptoni stilet e veshjes së tyre. Këta punonjës fitojnë zakonisht 65 dollarë në orë.
- Nuhatësit e letrës së banjos
Nuhatësit e letrave të banjos paguhen për të nuhatur produktet, për t’u siguruar që ato nuk kanë një erë të çuditshme para se të dalin në treg. Është shumë e vështirë ta gjesh një punë të tillë, dhe thuhet me shaka se është më e lehtë të gjesh një punë si aktor në Hollivud. Kjo punë e çuditshme paguhet rreth 1.000 dollarë në javë.
- Provuesit e akulloreve
Kjo punë është mjaft interesante dhe cilido që i ka qejf akulloret, ndoshta do ta donte atë. Por edhe pse kushdo mund të shijojë aromat e akullores, dhe të thotë nëse janë të mira apo jo, kjo punë mund të bëhet vetëm nga ekspertët.
Ata duhet ta gjykojnë akulloren bazuar në shijen, ngjyrën, aromën, erën, strukturën dhe formën si duket. Ndonjëherë ata madje shpikin aroma të reja të akulloreve. Këta shkencëtarë paguhen 100 mijë dollarë në vit.
- Manekini i gjallë
Kjo është ndoshta puna më e mërzitshme. Këta njerëz paguhen që të qëndrojnë pa lëvizur për orë të tëra. Kjo gjë ndoshta tingëllon e çuditshme, por modelet e gjalla mund të jenë më efektive sesa ato plastike. Sigurisht, kjo punë nuk është për çdo njeri. Ajo kërkon dikë që është në gjendje të qëndrojë i palëvizur për orë të tëra. Por edhe pse është një punë e vështirë, paguhet mirë. Manekinët e gjallë, mund të fitojnë zakonisht edhe 100 dollarë në orë.
Burimi i lajmit: https://www.wonderslist.com/top-10-weird-jobs-pay-well/
Përshtatur nga TIRANA TODAY
