Mediat britanike i kanë kushtuar një tjetër artikull të gjatë vrasjes së Flamur Beqirit, para shtëpisë së tij më 25 dhjetor.
“The Mirror” shkruan se shqiptari ka qenë një ndër më të kërkuarit, pasi akuzohej se ishte pjesë e bandave të drogës në Angli.
Burime për këtë media thonë se vrasja e Beqirit mund të jetë bërë nga një bandë e njohur në vend, e cila njihet me emrin “Los Suecos” ose ndryshe “suedezët”.
Sipas policisë britanike, grupi ku bënte pjesë shqiptari mund të jetë përfshirë në një përplasje të fortë me bandën suedeze, duke bërë që këta të fundit të urdhërojnë ekzekutimin e tij.
Policia bën me dije se po rishikon edhe disa vrase të tjera të cilët janë të njëjta me të Flamur Beqirit. Sipas tyre, e njëjta skemë u përdor dhe për ekzekutimin e “Maradonës “, David Avila Ramos.
Ky i fundit ishte një trafikant kokaine i njohur si “Maradona” në nëntokën e drogës, i cili u ekzekutua në vitin 2018.
Policia thotë se edhe Ramos u qëllua për vdekje nga “suedezët”, në prani të gruas dhe të fëmijëve.
