Kafshët kanë forma nga më të ndryshmet, dhe një shumëllojshmëri madhësish, nga mikroskopike, deri tek Balena Blu 30 metra e gjatë! Pavarësisht nëse i matni në aspektin e peshës, lartësisë apo gjatësisë, nuk mund të mohohet që kafshë janë të mëdha në krahasim me të tjerat e kategorisë së tyre.
- Brumbulli Golia
Duke jetuar i fshehur në pemët e pyjeve tropikale afrikane, Brumbulli Golia zë vendin e parë si insekti më i rëndë në botë. Ai peshon deri në 100 gramë, dhe arrin një gjatësi maksimale prej 11.5 centimetrash. Ky lloj insekti ka ngjyrë kafe, të zezë dhe të bardhë.
- Salamandra Kineze
Salamandra Kineze, është amfibi më i madh që jeton në Tokë. Ai peshon deri në 64 kg, dhe arrin një gjatësi prej 1.8 metrash. Ai ndryshon fare pak nga paraardhësit e tij, ndaj etiketohet shpesh si një “fosil i gjallë”. Por pavarësisht pamjes së tyre interesante, salamandrat kineze janë në rrezik zhdukjeje, dhe ndeshen rrallë në natyrën e egër.
- Struci
Është shpendi më i madh në planet. Ai arrin një lartësi maksimale deri në 2.7 metra, dhe një peshë prej 156 kg. Me një diametër prej 5 cm, sytë e strucëve janë më të mëdhenjtë nga gjitarët e tokës. Strucët s’kanë dhëmbë, dhe mund të mbijetojnë pa ujë për ditë me radhë, për shkak se mund të ruajnë ujin që kanë, dhe pjesën tjetër e nxjerrin nga ushqimi që konsumojnë.
- Krokodili i detit
Zvarraniku më i madh, është krokodili i ujërave të detit, që arrin një gjatësi mesatare 5.2 metra. Gjatësia e tij maksimale e dokumentuar është 6.3 metra, dhe një peshë deri në 1.9 tonë. Ata gjenden më shumë në ujërat rrotull Indisë, Azisë dhe Australisë, dhe ushqehen me të gjitha kafshët që ata mund të gllabërojnë dhëmbët e tyre. Pra në ndonjë rast edhe peshkaqenët.
- Peshkaqeni-balenë
Peshku më i madh, është peshkaqeni-balenë me një gjatësi prej 12 metrash. Ai peshon deri në 22 ton dhe ka një pamje mbresëlënëse. Pavarësisht madhësisë së tij, ai ushqehet kryesisht me planktone të vegjël, ashtu si balenat normale. Është i pranishëm në të gjitha detet tropikale në botë.
- Ariu ngjyrë kafe
Vendi i parë i mishngrënësve më të mëdhenj në tokë, ndahet midis arinjve të kafejtë dhe atyre polarë. Me një peshë maksimale deri 1 ton, dhe një gjatësi kur ngrihen mbi këmbë e prapme prej 3 metrash, të parët e fitojnë me meritë vendin e parë. Arinjtë ngjyrë kafe ndodhen në malet e Amerikës së Veriut, Evropë dhe Azi.
- Gjirafa
Me një lartësi maksimale prej 5.8 metrash, gjirafa është kafsha më e lartë sot në tokë. Vetëm qafa e saj është 1.8 metra e gjatë. Ajo jeton kryesisht në livadhet e shumta të Afrikës Lindore, dhe ushqehet kryesisht me gjethet e pemëve, duke përdorur gjuhët e tyre të gjata. Të vegjlit e gjirafave lindin pas një periudhe shtatëzanie që zgjat 15 muaj, dhe që në momentin e lindjes janë 2 metra të gjatë!
- Elefanti afrikan
Kafsha më e madhe që jeton në tokë, është padyshim elefanti afrikan, që mund të peshojë deri në 6.3 ton. Këta lloj elefantësh, kanë një gjatësi maksimale prej 10.6 metra nga koka tek bishti, ndërsa lartësia e tyre arrin në 4.2 metra. Ekzistojnë të paktën dy lloje elefantësh afrikanë, ai i savanës dhe elefanti i pyjeve. Që të dy ndodhet në “Listën e Kuqe” të OKB-së për speciet e kërcënuara që të zhduken.
- Kallamari gjigant
Madhësia e këtij lloj kallamari shpesh ekzagjerohet. Postimet virale në internet, pretendojnë se ai mund të arrijë një gjatësi prej 18 metrash, apo madje edhe 27 metrash. Në fakt, kallamari më i madh i dokumentuar ka qenë 14 metra i gjatë. Këto specie, kanë njëherazi sytë më të mëdhenj në mbretërinë e kafshëve, me një diametër prej 25 centimetrash!
- Balena Blu
Balena Blu është kafsha më e madhe e të gjitha kohërave. Ajo arrin një peshë prej rreth 180 ton, dhe arrin një gjatësi prej gati 30 metrash. Vetëm gjuha e këtyre balenave, mund të peshojnë po aq sa një elefant, ndërsa zemra e tyre sa një makinë. Pavarësisht madhësisë së tyre, këto balena ushqehen me planktone të vegjël. Për këtë arsye, ato fusin dhe nxjerrin në bark mijëra tonë ujë çdo ditë./ TIRANA TODAY
