Herri Hudini mbetet padyshim një nga magjistarët më të mëdhenj të të gjitha kohërave. Ai mund të lirohej në pak sekonda nga prangat ose zinxhirët, në situata nga më të vështirat.
Lindi në vitin 1874 në Hungari me emrin Erik Veiz, por u shpërngul me prindërit në Amerikë 4 vite më vonë. Loja e prestigjatorëve e magjepste, dhe që në adoleshencë nisi të krijojë numrat e parë.
Disa nga truket e tij kishin hile, që nuk mund të shpjegohen në ndonjë mënyrë tjetër përveç misticizmit.
Dëshmitarët okularë tregonin se ai zhduku elefantin në një mur me tulla pa e shkatërruar atë. Numri i tij më i famshëm ishte “Dhoma Kineze e Torturës”.
I prangosur ai futej me kokë poshtë në një enë qelqi të mbushur me ujë. Pas disa minutash, arrinte të lirohej.
Me shumë se një herë iu afrua vdekjes, duke përfunduar në spital. Shumë njerëz besonin se kishte aftësi të mbinatyrshme. Hudini i lejonte fansat ta godisnin fort me grushte në bark.
Në një rast, një student e goditi pa mendje, kur nuk kishte forcuar dot muskujt. Kjo i shkaktoi çarjen e apendisitit, dhe në fund vdekjen në vitin 1926, në moshën 52-vjeçare.
TIRANA TODAY
