Bota e sotme e shekullit XXI, është bota e fuqisë, luftës dhe konkurrencës. Sa më shumë para që ka dikush, aq më shumë pushtet do të ketë ai, dhe aq më i lartë do të jetë rreziku për jetën e tij. Me rritjen e numrit të rrëmbimeve, atentateve, politikanët, biznesmenët, njerëzit e famshëm kanë punësuar truprojat më të mira për sigurinë e tyre. Nga manjatët e biznesit deri tek udhëheqësit botërorë, këta ishin 10 njerëzit më të mbrojtur në botë gjatë vitit 2019.
- Çifti më i mbrojtur: Princi Herri dhe Megan Markëll
Sot ata e kanë braktisur familjen mbretërore. Por vitin e shkuar, siguria e çiftit rebel të monarkisë britanike, garantohej nga shumë se 1.000 ushtarë shumë të trajnuar. Deri në fund të vitit të shkuar, Megan dhe Herri jetuan në vilën Frogmor me një vlerë 655 milionë dollarë, pranë kështjellës së famshme të Uindsorit, e cila ishte e pajisur me kamera të teknologjisë së lartë, dhe sensorë në të gjithë shtëpinë.
- I burgosuri më i mbrojtur: El Çapo
Një nga emrat më të njohur në burg sot është Hoakin Guzman, i njohur gjerësisht El Çapo. Baroni i kartelit meksikan të drogës, Sinaloa, ia doli shumë herë t’i shpëtonte burgosjes, edhe pse u arrestua disa herë. Aktualisht, ai është nën mbikëqyrje 24 orëshe të 10 rojeve të armatosura në një burg pranë Nju Jorkut. Për arsye sigurie, ai fle çdo natë në qeli të ndryshme.
- Trupi njerëzor më i mbrojtur: Vladimir Lenin
Historia rreth një trupi të vdekur, që është nën mbrojtjen e mijëra oficerëve të armatosur të policies, është mëse e vërtetë. Trupi i pajetë i ish-udhëheqësit sovjetik Vladimir Lenin, ndodhet është në një mauzoleum në Sheshin e Kuq në Moskë. Trupi i balamosur dhe fare i paprishur nga koha, ruhet për 24 orë në 24 gjatë 96 viteve të fundit.
- Biznesmeni më i mbrojtur: Mark Zukerberg
Gjatë viteve të fundit, pronari i kompanive shumë të njohura, përfshirë Facebook, Mark Zukerberg është zakonisht nën mbrojtjen e oficerëve të armatosur të policisë. Zukerberg shpenzoi vetëm vitin e shkuar rreth 20 milionë dollarë për sigurinë e tij fizike, ku 7.3 milionë u janë dhënë truprojave.
- Monarku më i mbrojtur: Mbretëresha Elizabeta II
Mbretëresha Britanisë së Madhe Elizabeta II, është përherë në vëmendjen e publikut. Për këtë arsye ajo ka një Gardë të Madhe Mbrojtëse Mbretërore, e quajtur “Garda e Mbretëreshës” dhe një numër shumë të madh truprojash, që qëndrojnë kryesisht në prapavijë gjatë aktiviteve publike. Përveç truprojave, Mbretëresha dhe të gjithë anëtarët e familjes mbretërore, udhëtojnë gjithmonë të shoqëruar nga një eskortë policie.
- Politikani më i mbrojtur: Xi Jinping
Një nga kryetarët e shtetit më të fuqishëm në botë, presidenti kinez Xi Jinping, është nën mbrojtjen e mijëra rojeve të armatosura, të quajtura Byroja Qendrore e Sigurisë. Ata ndihmohen në punën e tyre nga disa helikopterë dhe dronë. Sa herë që udhëton Xi Jinping, merren supermasa sigurie. Gjatë një vizite të vitit 2017 në Hong Kong, disa lagje u mbyllën, teksa për sigurinë e tij u angazhuan mbi 1.000 oficerë policie.
- Udhëheqësi fetar më i mbrojtur: Papa Françesku
Duke qenë kreu i Kishës Katolike, me mbi 1 miliardë besimtarë, ai që është nën mbrojtjen e Gardës Zvicerane, ushtria më e vjetër në shërbim në botë. Gjatë vizitave të tij zyrtare, Papa këmbëngul të ecë në mesin e mijëra ndjekësve të tij, edhe pse kjo përbën një kërcënim të madh për sigurinë e tij.
- Diktatori më i mbrojtur: Kim Jong-Un
Presidenti dhe udhëheqësi suprem i Koresë së Veriut, Kim Jong-Un është padyshim një nga politikanët më të diskutueshëm në botë, qeveria e të cilit zotëron një nga forcat më brutale totalitare në histori. Vetë Kim, është diktatori më i mbrojtur në botë. Ekipi i tij përbëhet nga 12 truproja shumë të trajnuar, që qëndrojnë gjithmonë përkrah tij sa herë që udhëton. Për më tepër, Kim ka 90.000 ushtarë në dispozicion të mbrojtjes së tij personale në çdo moment.
- Miliarderi më i mbrojtur: Donald Trump
Presidenti i Shteteve të Bashkuara, Donald Trump, mbrohet nga 1.000 agjentë të sigurisë shumë të trajnuar. Autokolona presidenciale, ka në përbërje një ekip të reagimit të shpejtë. Trump përdor gjithashtu “Air Force One” (aeroplanin më të sigurt në botë), limuzinë presidenciale me nofkën “Bisha”. Por ai ka shpenzuar mbi 16 milionë dollarë për Kadillakun e tij me xhama të blinduar. Vetëm në vitin 2017, siguria e presidentit Trump dhe familjes së tij, kushtoi 120 milionë dollarë.
- Presidenti më i mbrojtur: Vladimir Putin
Presidenti rus mbrohet nga Shërbimi Federal i Mbrojtjes. Figura e tij është tejet e polarizuar për shkak të korrupsionit politik dhe financiar të kabinetit të tij qeveritar. Ai është kërcënuar nga protesta të shumta, dhe ndaj tij janë bërë disa herë tentativa për ta vrarë. Garda e tij personale përbehet nga 3000 oficerë, që e ruajnë me makina të blinduara, dhe një njësi e sigurisë psikologjike, e cila mbledh informacione inteligjente në lidhje me çdo kërcënim të perceptuar./ TIRANA TODAY
