Ish-ministri i Drejtësisë, Ylli Manjani, përmes një postimi në rrjetet sociale ka shpërthyer ndaj kryeministrit Rama. Ai thotë se s’kemi drejtësi, ndërsa numëron një sërë abuzimesh.
Sipas ish-ministrit, ligji i sotëm është kush ha kumbulla s’ka faj, kush flet i mpihen dhëmbët dhe kush denoncon me fakte e pret burgu.
E si për ironi të fatit, shton më tej Manjani, burgu boshatiset nga kriminelë e trafikantë, për t’u mbushur me protestues, hallexhinj e opozitarë.
Manjani hedh thumbin e radhës, duke cituar se ne kemi shtet.
Statusi
Kush ha kumbullat, kujt i mpihen dhëmbët e tjetërkujt i tregohet burgu.
=======
I thanë se po fut Rusët nëpërmjet kompanive OFF SHORE, por në ndjekje penale përfundoi Basha se harxhoi paratë e partisë si Tij për të blerë konsulence të huaj.
I thanë se je kapur në flagrancë duke vjedhur vota (BILD ja tha), por në burg përfunduan disa komisionerë të mbaruar të PD e LSI. Pra ata na paskan vjedhur vota për PS. Arrestuan dhe të vdekur madje…
I thanë e pra i thonë se bashkitë e zabtuara prej Tij po bëjn kërdinë me leje abuzive dhe në dëm të përhershëm të mjedisit, por fajin e paska patur Fran Frrokaj që ka firmosur një shkresë përcjellëse krejt pa përmbajtje.
Rasti i Fran Frrokajt tregon se burgu është bërë si ushtria. Pra kushdo që firmos diku, pavarsisht fajiti apo pasojës duhet ta bëjë ushtrinë/burgun!
I thanë, dmth u denoncua me fakte, që vëllai i Ministrit të Brendshëm merret e de me drogë, përveç se i shmangej drejtësisë Italiane, por fajtor u deklarua Ervin Salianji. E deklaruan fajtor për kallëzim të rremë, kur ky nuk kishte bërë kallzim!!!
I thonë që po fal detin, por thotë se fajin e ka Luli&Iliri.
I thonë se izolove vendin nga Europa, por shkon në Europë e kërcënon Opozitën!
I thanë e i thonë që vendi është dyndur në hashash dhe është qendër e tranzitit të drogave të forta, por fajin e ka Lazarati, i cili është dënuar me uri.
I thanë e i thonë që po bën namin me koncensione, PPP e tendera pa garë dhe pa buxhet të miratuar, por fajtor është Saliu, LSI-ja dhe Luli.
Pra Ai ska faj për asgjë! As që i ka shkelur premtimin Shalsit që do vidhnin më pak..!
Ligji i sotëm është kush ha kumbulla ska faj. Kush flet i mpihen dhëmbët. Kush denoncon me fakte e pret burgu.
Ndërkohë burgu boshatiset nga kriminelë e trafikantë, për t’u mbushur me protestues, hallexhinj e opozitarë.
More po kemi shtet!
Kemi drejtësi të reformuar biles!
Kemi ligje të drejta, si drapri.
https://www.facebook.com/permalink.php?story_fbid=1025106724600434&id=100013033472627
