Luela Hajdaraga është propozuar nga ministri i Jashtëm në detyrë, Gent Cakaj, për të marrë postin e ambasadores shqiptare në Greqi.
Luela është vajza e ish- ministrit të Mbrojtjes, Luan Hajdaraga. Ajo pritet të lërë postin e Koordinatores së Bashkëqeverisjes në Ministrinë e Evropës dhe Punëve të Jashtme, për të marrë detyrën e re.
Ajo do të zëvendësojë Ardiana Hobdarin, e cila u shkarkua sot nga ministri Cakaj së bashku me stafin.
Luela Hajdaraga ka ndjekur studimet e mesme dhe të larta në SHBA, këto të fundit për psikologji, teksa në 2004- 2008 është diplomuar për marrëdhënie ndërkombëtare në universitetin shtetëror të New York Empire State College.
Edhe specializimin e ka kryer për marrëdhënie ndërkombëtare. Ajo ka filluar punë si menaxhere marketingu në Uashington D.C, më pas si ndihmës pedagoge, menaxhere etj.
Me kthimin në Shqipëri, ajo ka qenë menaxhere në Qendrën për të Drejtat e Njeriut në Tiranë, më pas në disa kompani private dhe së fundmi me postin në Ministrinë për Evropën dhe Punët e Jashtme.
