Kryetari i ri i Kontrollit të Lartë të Shtetit është Arben Shehu.
Ditën e sotme, Kuvendi miratoi kandidaturën e Shehut me 108 vota pro, 5 kundër dhe 4 abstenim.
Në seancën e sotme, Shehu ka bërë dhe betimin, duke falënderuar deputetët e Kuvendit për besimin që i dhanë.
“Falemenderit për besimin”, tha Shehu i cili zë kështu vendin e Bujar Leskajt i cili qëndroi 7 vite në krye të KLSH.
Më poshtë një përmbledhje e CV-së së Arben Shehut:
EDUKIMI DHE KUALIFIKIME
1998-2002- Diplomuar “Jurist” në Fakultetin e Drejtësisë, Universiteti i Tiranës;
2004-2005- Master në Shkenca Penale Fakulteti i Drejtësisë, Universiteti i Tiranës;
2011- Marrja e gradës shkencore “Doktor i Shkencave Ligjore” në fushën e krimit të organizuar dhe legjislacionit ndërkombëtar.
2018- Diplomuar për Administrim Biznes Vazhdimi i ciklit për titullin Profesor i Asociuar Njohës shumë i mirë i tre gjuhëve të huaja (Anglisht, Italisht, Frëngjisht).
EKSPERIENCA:
2004 – e në vazhdim Pedagog pranë Fakultetit të Drejtësisë, Universiteti i Tiranës.
2003- e në vazhdim, anëtar i Dhomës së Avokatisë, dhe përfaqësues për çështje ligjore dhe ekonomike të shoqërive tregtare.
Redaktor në “World Journal of Social Science Research” Pjesëmarrës në konferenca kombëtare dhe ndërkombëtare me publikime akademike.
