Lideri opozitar rus Alexei Navalny është dërguar në Gjermani për shërim pasi gruaja e tij i është lutur presidentit Vladimir Putin që të lejonte burrin e saj në koma që të trajtohej në Gjermani. Mjekët rus fillimisht nuk kishin lejuar transportimin e Navalny, duke thënë se ai kishte probleme me zemër.
Navalny ndodhet në koma pasi dyshohet se u helmua me një filxhan çaji.
Yulia, të cilës nuk i është lejuar që të takonte burrin që kur ai humbi ndjenjat gjatë një fluturimi nga Siberia në Moskë ditën e djeshme, tha se është vitale që ai të dërgohej në Gjermani për tretman.
Mjekët gjermanë të cilëve u ishte lejuar të vizitonin 44 vjeçarin, ishin të mendimit se ai ishte i aftë të udhëtonte për tretman në Berlin.
Yulia, bashkëshorte e Navalnyt, ka akuzuar Kremlinin se ka detyruar doktorët që të mos lejonin evakuimin e tij derisa ata të zhduknin helmin nga trupi i burrit të saj, duke e bërë të pamundur dëshmimin për helmimin e tij.
Kremlini ka mohuar përfshirjen, duke insistuar se vendimi për mbajtjen e Navalny në Rusi ishte “puro vendim mjekësor”.
Yulia, nënë e dy fëmijëve qëndron vazhdimisht përkrah bashkëshortit në luftë kundër pushtetit në Rusi./Express
