E martë, 28 Shtator, 2021
17.5 C
Tirana

“Kush duron këtë”, zbardhet dëshmia e shokut të autorit që vrau 62-vjeçarin

Zbardhet dëshmia e shoqëruesit të ekzekutorit te Haxhi Baçinozi, te Liqeni i Tiranes. Nga deklarimet që ka dhënë në Policinë e Tiranës Myftar Pasha, 56-vjeç, i arrestuar për moskallëzim krimi, shpjegohet mekanizmi i ngjarjes, që sipas tij nuk ishte e planifikuar.

Ai ka shpjeguar para oficerëve të Policisë Gjyqësore se personin e shpallur në kërkim e ka fqinj e mik dhe se kishte dalë me të për një xhiro nga Liqeni Artificial. Ndërkohë, sipas versionit të tij, takimi me viktimën ka qenë rastësor, madje miku i tij është shtangur nga kjo përballje, pasi i është shprehur se Baçinozi do i kujtonte borxhin.

Megjithatë, ndonëse i arrestuar, ka këmbëngulur për një ngjarje të paplanifikuar, Policia ka dyshime të forta për një vrasje të mirëmenduar nga personi që është shpallur në kërkim. Nisur kjo, edhe nga fakti që ai kishte pistoletë me vete.

Vetë i arrestuari është shprehur se nuk kishte dijeni për armën që miku i tij mbante me vete. Sipas dëshmisë së mikut të Islam Myrtajt, 62- vjeçari që mbeti i vrarë te “Liqeni Artificial”, sapo ka parë autorin e dyshuar të ngjarjes, i është afruar duke e ofenduar, ndërsa më pas kjo situatë është pasuar nga një përleshje fizike.

Sipas Myftar Pashës, pas këtij veprimi miku i tij ka nxjerrë pistoletën dhe ka qëlluar drejt Haxhi Baçinozit.

“Islam Myrtajn e kam shok dhe komshi. Të shtunën pasdite më mori në telefon më pyeti se ku isha. Kur unë i thanë se po dilja nga Liqeni Artificial, ai tha se do të vinte të më shoqëronte. Ishim duke ecur të dy kur përballë pamë Haxhi Baçinozin, që ishte i shoqëruar nga i biri. Islami me tha: Bo bo, kush duron këtë, do më kujtojë lekët… Kur Haxhi Baçinozi u afrua, e ofendoi Islamin rëndë dhe e goditi. U përleshën të 2 dhe pastaj Islami nxori pistoletën dhe qëlloi 4 ose 5 herë. Sapo qëlloi, Islami u drejtua drejt kodrës. Ndodhi shumë shpejt. Unë nuk kisha dijeni që Islami kishte armë dhe që do e vriste. U tremba shumë dhe shkova direkt në shtëpi. Sot u qetësova dhe mora kontakt me Policinë”, ka deklaruar Myftar Pasha gjatë dëshmisë që ka dhënë pas arrestimit./ Panorama

- Reklama -

Më shumë nga kategoria




Të fundit

Berisha, nga Ryersoni tek Yuri Kim

Nga: Mentor Kikia Zhvillimet që po ndodhin tani në politikën shqiptare janë më të rëndësishmet që kanë ndodhur që nga vitet 1990-1992. Dhe kanë për...

Bërnabiq: BE nuk po bën asgjë, ose fare pak për situatën në Kosovë

Kryeministrja e Serbisë, Ana Bërnabiq, tha se Bashkimi Evropian, në këtë moment, “nuk po bën asgjë, ose po bën fare pak” në lidhje me...

Dojna Mema i bashkohet ‘Big Brother Vip’, zbulohet pozicioni që i është besuar

“Big Brother Vip” starton në fillim të tetorit. Edhe ky edicion do të drejtohet nga Arbana Osmani. Revista “Vip Magazine” ka zbuluar se Dojna Mema...

Asnjë i dënuar për atentatin tek ‘Komuna e Parisit’, lihen të lirë dajë e nip

Viktor Marku dhe Sebastian Mali, të cilët akuzoheshin për vrasjen e Hekuran Billës, janë liruar nga qelia. Me vendim të Gjykatës, nga ‘arrest me...

“Qeveritë të takohen më shpesh”, akademiku Rexhep Qosja mesazh Ramës dhe Kurtit

Në ceremoninë e vlerësimit nga Edi Rama me titullin “Kordoni i Madh me Yllin e Medaljes”, të zhvilluar në Prishtinë, akademiku i njohur Rexhep...