Një takim në limitet e debatit dhe tensioneve. Kështu është portretizuar nga mediat takimi i djeshëm ndërmjet presidentit të Serbisë Vuçiç dhe kryeministrit të ri të Kosovës Albin Kurti.
Takimi është shoqëruar me debate dhe reagime të ashpra ndërmjet dy liderëve sidomos pas deklaratës së kryeministrit të Kosovës, i cili ka thënë: “Serbia duhet të çlirohet nga Kosova”.
Deklarata e Kurtit e ka tensionuar shumë Vuçiçin. Ai e ka quajtur këtë deklaratë një provokim dhe fyerje për Serbinë.
“Ju nuk mund të fyeni Serbinë, ju nuk përfaqësoni shtet. Gjysma e botës nuk ju ka njohur. Ne do të bëjmë gjithçka për të ruajtur paqen dhe stabilitetin, ju nuk do të na provokoni duke devijuar përpjekjet tona në lidhje me Shengenin Ballkanik”, tha Vuçiç.
Pas takimit, Vuçiç u shpreh nëpër mediat serbe që: Debati ishte i ashpër. Kam luftuar për interesat e Serbisë dhe popullit serb, që është puna ime. Unë po thosha të vërtetën dhe jam krenar për këtë”.
