Qeveria e Kosovës ka zhvilluar sot një mbledhje, ku është vendosur për të hequr taksën për lëndën e parë ndaj Serbisë.
Raportohet se ministrat e Lidhjes Demokratike të Kosovës nuk kanë marrë pjesë në mbledhje. Sipas mediave kosovare, qeveria Kurti ka hequr tarifën për lëndën e parë ndaj mallrave të Serbisë, duke shfrytëzuar votën e Xhelal Sveçlës.
LDK-ja nuk ka marrë pjesë në votim, ndërsa Lista Serbe ka abstenuar. Në një nga pikat e vendimit të Qeverisë thuhet se deri më 1 prill 2020, qeveria do të nxjerrë vendim për të shfuqizuar vendimet e 21 nëntorit 2018.
Si edhe për të vendosur masa të reciprocitetit të plotë, në marrëdhëniet me Serbinë dhe Bosnje-Hercegovinën.
