Kryeministri Edi Rama nuk e ka pritur mirë lajmin për mos hapjen e negociatave me Bashkimin Europian, teksa ka bërë ironi, duke deklaruar se kur BE të jetë gati, le të vijojë me procesin e integrimit, pasi të dyja vendet dp të ecin përpara.
Gjatë fjalës së tij në Shkup, pas takimit me homologun maqedonas Zoran Zaev, Rama u shpreh sfida për Shqipërinë dhe Maqedoninë e Veriut, është ndërtimi i një shteti europian me institucione dhe standarde europiane.
Edi Rama: ”Nuk ka të bëjë me ne aspak. Ka të bëjë me vetë BE. Nuk jam i shqetësuar dhe nuk është sinqerisht po humbas gjumin për këtë, kam gjëra shumë më të rëndësishme. Ajo çfarë është thelbësore, kemi bërë punën tonë. Si ne ashtu dhe Maqedonia e Veriut kanë thënë që kemi bërë punën tonë. Do të vijojmë të bëjmë punën tonë. Kur të jenë gati, duhet të na e thonë. Sfida për ne është të ndërtojmë një shtet europian, institucione europiane, standarde europiane, ekonomikisht dhe nga pikëpamja sociale, në Shqipëri, Maqedoninë e Veriut, Ballkanin Perëndimor. Kjo është çfarë kërkojnë fëmijët tanë e çfarë meritojnë vendet tona. Më pas nëse mendojmë të ecim para jam i lumtur, nëse jo nuk jam i palumtur.”
Në takimin e fundit të Këshillit për Çështje të Përgjithshme të BE-së në Luksemburg, presidenca portugeze ka konstatuar se nuk ekziston konsensus i nevojshëm për të miratuar kornizat negociuese për këto Shqipërinë dhe Maqedoninë e Veriut, si kusht për të hapur negociatat.
