Vin Veli prej kohësh ka dëshmuar se ka marrëdhënie mjaft të mira me ish-partneren e tij Bora Zemani, me të cilën ka edhe një djalë. Jeta e tij private ka qënë në fokus të mediave rozë, por pas disa viteve shkëputje të raportit me të, duket se gjërat po shkojnë mirë mes palëve.
Vini ka folur për Borën në një komunikim me “Live from Tirana”, ku u pyet nga gazetaret lidhur me temën: ‘A duhet të jemi miq me ish-at?’
Ai tha se për sa kohë ata kanë një fëmijë, miqësia është e pashmangshme. E mbi të gjitha, toleranca dhe mirëkuptimi janë shumë të rëndësishme në një marrëdhënie.
“Për sa kohë ke një fëmijë, sigurisht që do mbash miqësi. Por edhe një çift që janë ndarë dhe nuk kanë fëmijë, pse duhet të urrehen? Kur nuk ka funksionuar, thjesht nuk ka funksionuar.
Ah, kur ka pasur tradhti pastaj, varet…Edhe arsyeja e ndarjes ndikon shumë. Nuk mund të jesh i ftohtë, kur në një lidhje ka patur tradhti.
Unë jam shumë mendjehapur, nuk mbaj mëri ose hatërmbetje. Toleranca dhe mirëkuptimi janë shumë të rëndësishme në një marrëdhënie”, u shpreh Vini.
